Pengguna:Dusun Lansad

GAGARIT KOSUSUPUH DUSUNKADAZAN (Newly invented Dusunkadazan Alphabets)

Isoh poh ot kawoh gagarit kawawagu id Asia Ponong Sibah (Southeast Asia) don Dusunkadazan abada (Dusunkadazan Alphabets) sinupuh di Dr Mohd Zakaria Ilyas it kikaba’an pisingila’an gontob Ph.D dot Sociology om Ethnography mantad id Belford University, hiloh id Pogun Marikan dit toun 1994. Tinimpu’unan disioh dot momudali iti gagarit dit 1tw Momuhau (December) 1970. Nosusu isioh ontok 24tw Gamar (October), 1945 hiloh id Kampung Tagudon Lama, Watas Ranau, Sabah, Malaysia. Tuminimpu’un isioh minonoriuk montok pisuwayan tuni-tuni om londuk boros (Phonetics, phonemes) Dusunkadazan dit toun 1970. Sinoriuk dau pisuwayan id pialatan Dusunkadazan om hopod om isoh kawoh boros Tinaruh ponong Sibah Asia (Southeast Asia) om pinointalang isioh dot kopoila’an dot amuh minomit isioh nombo-nomboh diloh gagarit Tinaruh suwai miagal diloh ongoraitan id siribah (to inform that, the Dusunkadazan alphabets were not copied or imitated from any of the alphabets of the countries mentioned below): Bugis Burma Jawa Kawi Khmer Laos Mangyan Rejang Sunda Tagalog Thailand Gagarit dot Dusunkadazan amuh ih orumot toi asusah dot misingiloh miagal diloh gagarit-gagarit Tinaruh nora’itan id sawat tuh iti nopoh gagarit Dusunkadazan ngah winorun musuyan dot ralan papagarit gagarit dot babainoh (modern Roman-Latin alphabets). Koinsanai dot gagarit konsonon om vowel momoguna dot isoh noh londuk toi tuni tikid-tikid pimatoh. Korumatan nopoh dot okoroh abantalan dot misisingiloh diti gagarit Dusunkadazan ngah iloh noh papagarit tuh amuh poh giah nokotuduk id sikul. Montok dit koinsanai Tinaruh Dusunkadazan mulong poh dot apaganan dot misingiloh dit gagarit ngah alapon ku ngawai yokoyu dot misingiloh om monuduk dot tanganak dokoyu mamagarit om mambasa id suang gagarit tokou sondiri. Nongoh noila’an suab soirah toi timpu rumikot dot sinakagon Dusunkadazan dit sumolusuk ka’anu doti dot popoimagon om popotuduk diti gagarit tokou id sikul. Soirah nopoh dot koburuh irad diti ngah atampasi noh ot Tinaruh tokou hiti id pomogunan. Poilio’on ku nogi yokoyu dot mantad ginumuan dot gagarit (alphabets) dit haroh id koinsanai pogun posorili diti Pogun Sabah, it Pogun kinoiyonon Tinaruh (bangsa) Dusun haroh duoh noh kawoh dot gagarit (alphabets) dit poinsosomok kokita’an miagal diti gagarit Dusun. Iloh gagarit (alphabets) Jawa om Sunda nopoh ngah payat dot gagarit toi pimatoh (scripts) Brahmi om it haroh piagalan kokikita’an. Haroh ot kotumbaya’an ku dot gagarit Dusun dit winonsoi dot gulu-gulu minusuyan diloh pimatoh (scripts) dot Tinaruh Sunda ngah amuh noko’otus gisom bainoh sabap doti dot no’olingan. Noila’an dot iti nopoh Tinaruh Dusun ngah tuminimpu’un dot suminuwang ugama dot Silam dit toun 1939 mina’an ia’oh toi tudukai dit songulun tinaruh Sunda-Jawa pungaranan dot ih Mohd Sharif Raden Jaya Wiranata om minangajar (minonuduk) diloh Dusun suminilam dot sumambayang dot momoguna dot Boros Tinaruh Sunda.Tumanud dit tulun minongoi pisingiloh dot pisingila’an ugama dot Silam mantad di Mohd Sharif Raden Jaya Wiranata hiloh id kokobunan gatah dot tulun Topurak id Lobou (Manggatal) id suang watas Tuaran nokoboros songulun pungaranan dot ih Gundohing Haji Ruman Bin Limbongot it miongoi guruan mantad di Sharif dot mina’an yoloh tudukai surat dot Jawa mihampai dot ma’an posuangoh id tutok ot basa’an ngawi dot sambayang dinoh tuh amuh yoloh koiloh dot monurat sundung ih mah dot ma’an da’ah kakah potumboyo’oh yoloh dot papagarit dit basa’an sambayang id bu’uk. Mantad ponoriukan om pinongudiya’an ku kuma’ah di molohingon Silam toi guru Silam ih Ruman Limbongot pinosusui dohoh disioh dot ih Sharif nopoh ngah koiloh dot monurat om gagarit tinaruh dot Sunda om Jawa. Iloh nod’di dot kikotumbaya’an oku dot nowit dot tulun toi Tinaruh Sunda mantad id Pogun Indonesia iloh gagarit dioloh om mina’an dirih da’ah usuyanai dot tinaruh gulu-gulu Dusun minomudali gagarit Dusun sondiri. Dit amuh poh norikot ot pisangadan Koisoh dot Pomogunan (world war 1) ogumu noh laid ot Tinaruh Sunda om Jawa nokorikot id Borneo kumina’ah id Pogun Sabah. Amuh tokou oimaya’an dot nokorikot tulun Indonesia id Sabah tuh katana’an nopoh dot Borneo toi Pulou Borneo ngah ¾ ginayoh toi lina’ab dot poinsanganu dot Pogun Indonesia. Ruminikot ot tulun Indonesia id Sabah mantad poh toun 1500 om tuminongkop yoloh hiti id Sabah, haroh minongoi karaja id kokobunan gatah om haroh nogi kuminaraja id suang kapal rahat. Montodon hiti kainou umbalai tokou nodi dot mogiboros om misingiloh kawagu iloh gagarit om pongintob Dusun dit mina’an ku pudolioh toi supuoh tososonong mongoi dot awawasiw tokou dot misingiloh koinsanai diloh pimato-pimatoh id suang gagarit Dusun. Nora’itan di Gundohing OKK Sepikit Kabindong dot nosusuyan isioh dit molohing dau dot haroh ot gagarit om pongintob Dusun. Numbalan nogi da’ah disioh dot monoriuk iloh susuyan naramit dau ngah orikot rinubat tuh amuh noko’otus ot ponoriukan disioh sabap nourilang dit Pisangadan Pomogunan Koisoh (World War 1). Miongoi-ongoi pono’ogi dot aisoh Sikul id Sabah ontok dinoh. Sinoriuk da’ah disioh iti kinoburuon dot Gagarit, Susuikoubasanan om Tadat Dusunkadazan ngah amuh na’awih ot ponoriukan dau. Poingkuroh poh ngah naka’anu isioh dot monimung dot okurih susuyan montok susuikoubasanan montok Boros Bobolian om Tadat gulu-gulu dot Tinaruh Dusunkadazan miagal diloh nora’itan pogulu id bu’uk diti. Mulong poh dot ingka’ah sinonong ningisaman disioh ngah amuh ih isioh naka’anu dot monupuh dot bu’uk susuyan poinbida montok diloh Susuikoubasanan om Tadat dot Dusunkadazan. KOWOYO-WOYOON PONGIMATOH GAGARIT DUSUN (Sistem Ejaan Dusun)

PIMATOH OM LONDUK BOROS DUSUNKADAZAN (Huruf dan bunyi)

Id suang boros Dusun haroh duoh nohopod om limoh (25) londuk toi tuni it guna’on id pibarasan Dusun. Turuh (7) mantad dinoh pimatoh dot vowel, hopod om turuh (18) pimatoh konsonan om haroh nogi ot hopod om apat (14) pimatoh diptong. Id suang boros Dusun amuh momoguna dot pimatoh /c/, /f/, /q/ om /x/ ngah ingkuroh poh ngah sinupuh nogi iti montok guna’on monurat do boros Nongiris, Sains om boros Teknologi Takawas (English, Sciences and High Technological words).

Okon no’opoh koh minonoriuk dot gadarit-gagarit dit nokopogulu id pomogunan ngah pinapanau ku nogi ot ponoriukan dot ingkuroh korumatan tulun bangsa suwai koh DusunKadazan dot popolonduk dot tumanud pongigmatoh toi ija’an DusunKadazan. Noila’an toi nosoriuk ku’d Tinaruh nopoh tulun Topurak ngah omumu ot katangkid dot pamamara’it toi polonduk miagal boros-boros dit kikolimpupuson dot garit /o/: goto, sio, nokuro, dilo: Nuludanboros (sentence): Goto intangai tokou isio dot nokuro tuh napalid dilo ralan. Tulun Topurak lobih ko’ontok pololonduk diloh boros Dusun momoguna dot pimatoh /h/ id pompod diloh boros-boros poinhabah. Montok diti boros kikopuposon /o/ mostiti dot ruhangan dot pimatoh /h/ mongoi osonong misingiloh. 1. PIMATOH GAGARIT DUSUNKADAZAN Iti nopoh gagarit abada dot DusunKadazan ngah karalanon nopoh dot papagarit (mencelar/mengores/scribble/write) ngah miagal nogi dot gagarit-gagarit (scripts) payat don Brahmi dit susuwai-suwai tuh owonsoi mantad dot garit (terbentuk daripada garis-garis/celaran/strokes) yang bermula dari kiri kekanan. Gagarit abada DusunKadazan diti miloh dot komoyon dot songkoruhangan dit gagarit-gagarit ngawi id Asia Sibah owonsoi mantad garittanda (bentuk celaran/strokes). Tinomod ku dot momorun iti abada irad diti tuh opirumanan ku’d awawasiw dot papagarit (menulis/to write) mongoi dot osimbayan om osonong dot misingiloh dot mamagarit (menulis/write).